Hagen
Hotellhagen vår er ei fredfull oase der du kan trekke deg tilbake på solfylte dagar, slappe av i solseng, nyte ein god lunsj frå Kafé Løsta eller ta eit bad i utandørsbassenget.
Leikerom
I 3. etasje ved Union Bad og Spa finn du leikerommet vårt – perfekt for dei minste gjestane våre. Her finn du klatrestativ og ballbinge. Leikerommet er ein trygg og kjekk stad der barna kan leike og utforske.
Foto: Adobe Stock
Treningsrom
Hotel Union Geiranger har eit eige treningsrom i 2. etasje, i tilknytning til Union Bad & Spa. Her finn du eit basis utval av treningsapparat og utstyr som tredemølle, romaskin, spinningsykkel og frivekter – perfekt for deg som ønskjer ei aktiv økt under opphaldet.
Foto: Adobe Stock
Aktivitetsrom
I underetasjen finn du Geiranger Vognfabrikk der vi har samla kjekke aktivitetar som biljard, airhockey og dart.
Foto: Adobe Stock
Union Dancing
I underetasjen finn du og Union Dancing - vårt eige showlokale. Ein stemningsfull sal med scene og dansegolv i midten, omkransa av sitjegrupper i amfi. Her legg vi til rette for dans, underhaldning og arrangement med god utsikt til scena frå alle plassar. Lokalet har eigen bar og passar perfekt for alt frå show og konsertar til firmafestar og private samlingar.
Dronningterrassen
Dronningterrassen er ein stor flott terrasse i tilknytning til Restaurant Fjorden. Om sommaren kan du nyte både lunsjen og middagen her med spektakulær utsikt over fjorden.
Nina Grieg terrassen
Nina Grieg-terrassen er den perfekte staden for å slappe av og nyte noko godt i glaset, omgitt av spektakulær utsikt over Geirangerfjorden. Terrassen har ein lun og behageleg atmosfære, med sitjegrupper og gode solforhold på fine dagar. Terrassen ligg rett utanfor salongen i 1. etasje og har servering frå lobbybaren.
Foto: Ása Steinarsdottir
Dronningsalongen
Dronningsalongen er eit lite, stilfullt lokale i tilknytning til salongen i 1. etasje. Lokalet er innreidd med gamle møblar og har ei varm og stemningsfull atmosfære. Det er og mogleg å leige Dronningsalongen som eit samlingspunkt for små grupper eller private feiringar. Pirs på førespurnad.
Foto: Christian Sørvær
Veteranbilsamling
Mange av bilane som vart nytta for å vise turistane rundt i Geiranger på 1920- og 1930-talet, er framleis i god stand. Ti av dei finnast i dagens samling, og vert framleis leigde ut med sjåfør.
Mollaløa selskapslokale
Mollaløa er ei gammal, rustikk løe som står i hotellhagen. Her kan vi tilby ei stemningsfull matoppleving i særeigne omgivnadar for grupper. Kontakt oss for å reservere Mollaløa selskapslokale.