Spa- og yogahelg

Helga 9.-11. Februar 2024 inviterer vi til spa- og yogahelg. Velkomen til ei helg med fokus på ro, avslapping og ny energi. Dei dyktige instruktørane våre inviterer deg med på ulike økter med yoga og cold water swimming. Helga passar for alle, både om du er erfaren inne yoga eller om du er heilt ny. Det blir fokus på å stresse ned og lære å slappe av og kvile. Program og meir informasjon vil bli lagt ut etterkvart. 

Cold water swimming

Dei siste åra har det blitt svært populært å drive med cold water swimming/ isbading. For nokre høres det kanskje heilt sprøtt ut, men fakta er at denne aktiviteten gir ei rekke helsefordelar og gjer godt for både for kropp og sinn. Under yogahelga tar Linda oss med på helgas største utfordring - cold water swimming! Her kombinerer Linda sin entusiasme for svømming i ope vatn, mental trening og pust for å ta deg med på ei reise i den vakre fjorden vår. 

Med bakgrunn innen yoga og helsevesenet tar Linda godt vare på deg. Vi går samla ned til fjorden der Linda vil lede oss gjennom ei kort oppvarming og pusteøvingar før vi går ut i det kalde vatnet og lar kulden og endorfiner skylle over kroppen. Ved strandkanten ventar varme klede og vi serverer deg ein kopp rykende varm te og ein liten godbit frå kjøkkenet vårt. Saman nyt vi denne gode stunda med den heilt spesielle følelsen i kroppen og nyt utsikta over fjord, fjell og fossefall medan vi går opp fossevandringa tilbake til hotellet. 

Legg merke til korleis din kropp reagerer når du visualiserer at du går ut i den iskalde fjorden. Ofte kan vi kjenne korleis kroppen spenner seg. Det er heilt naturleg at kroppen gjer motstand mot det som er ubehagleg, kanskje får du ein kjensle av nervøsitet og nyskjerrigheit? Det å utsette kroppen for denne typen positivt stress sett i gang prosesser i kroppen som styrker både kropp og sinn. Det handler om å overkomme den umiddelbare stressresponsen som forsvinn når vi lukkast med å behalde roa og fokuserer på pusten. 

Linda hjelper oss med å forberede oss mentalt før svømmeturen og veileder oss gjennom pustinga medan vi svøm og deler den spesielle følelsen av eufori og velvære når vi er tilbake på land og har fått på tørre og varme klede, og ein god kopp varm te i handa. Dette vil du ikkje gå glipp av!

Fordelar: - Styrker immunforsvaret over tid - Har ein anti-inflammatorisk effekt over tid - Aukar blodsirkulasjonen - Aukar produksjonen av endorfiner, adrenalin og serotonin - Mental trening i å overkomme mentale barrierer  - Minskar uro og angst - Gir ei kjensle av velvære, klarheit og eufori.

Denne økta vil foregå på engelsk, men ein svensk instruktør vil vere tilgjengeleg. Påmelding i resepsjonen i forkant. Alle deltakarane må også fylle ut eit konsultasjonskort i forkant. Ta med badekle, klesskift, handduk og gjerne ei hue dersom veret er dårleg.

Yoga

Restorativ yoga er ein passiv, meditativ form for yoga der du får øve deg på å ta vare på deg sjølv og gi deg sjølv den støtta du treng. Pause i kvardagen og å hente seg inn igjen er ein sentral del i det å finne balanse i kvardagen. Ubalanse handlar ikkje alltid om for mykje stress, men at ein feiler i å hente seg inn igjen. I restorativ yoga benyttar vi hjelpemiddel som puter, pledd, klosser og eteriske oljer for å gi oss sjølv dei beste forutsetningene for å restituere fysisk, mentalt og følelsesmessig. Vi held kvar posisjon i 3-15 minutt med mål om å fokusere på pusten og aktivere kroppen sin avslappingsrespons.

Kvar restorativ yogatime kjennes ut som ein lang, varm klem og som å kome heim til seg sjølv. Vi øver på å:

• berre å vere ei stund, å la saker og ting ta si tid.
• å sleppe taket på prestasjon, uro og å samanlikne seg med andre
• bearbeide tankar, følelsar, relasjoner og idear
• tillate seg å ta i mot sette og omtanke
• vise seg sjølv forståelse, tolmod og medkjensle

Fordelar med restorativ yoga

• rolegare og djupare andedrag
• mindre anspent i kroppen
• lavare puls
• auka armbevegelse og fordøying
• mindre stress og auka velbefinnande
• auka bevisstheit om automatiserte tankemønster og atferd (sjølvbevisstheit)
• auka kreativitet og produktivitet
• aktivere det indre tryggheitssystemet (kjensle av stabilitet og tryggheit)
• styrker emosjonell motstandskraft