Fjordsightseeing

Den beste måten å oppleve Geirangerfjorden på er sjølvsagt sjøvegen! Sjå dei fråflytta fjordgardane og høyr dei fascinerande historiene om dei som budde der "ingen skulle tru at nokon kunne bu". Kom tett på fossane Dei sju søstre, Friaren og Brudesløret. Dette er naturen på sitt villaste og vakraste!

Besøk ein fjordgard

Geiranger er eit eldorado for den som er glad i å gå på tur. Vi har eit stort spekter av turar å by på, både korte og lengre turar, og dei fleste turane er godt merka. Spør oss gjerne om tips!

Fjordsafari

Opplev Geirangefjorden i full fart og frisk sjøsprøyt – ei altoppslukande oppleving av Geirangerfjorden på nært hald. Med open, hurtiggåande RIB-båt kjem du nærare den fantastiske naturen enn du trur er mogleg. Desse båtane går heilt inn til fossane og gjer fleire stopp undervegs, slik at du får oppleve dei mest kjende attraksjonane på svært nært hald. Hugs kamera!

Geiranger Skywalk

Europas høgste fjordutsikt frå bilveg – 1500 meter

Tenk deg at du står på ein fjelltopp, trekkjer inn frisk fjelluft og nyt utsikta over snødekte fjell, Unescos verdsarvsområde og Geirangerfjorden. Alt dette – og meir til – kan du få oppleve på Dalsnibba. Og veit du kva? Du treng ikkje gå eit einaste steg. Nyheit frå august 2021, større butikk og serveringslokale på toppen.

Explore Geiranger

Geiranger har ei skjult naturperle midt i sentrum! I naturparken kan du prøve deg på klatring langs Geirangerelva, balansering på nepalbruer og flyging over juv og fossefall. Alt saman i gåavstand fra hotellet.

Kajakk

Opplev Geirangerfjorden frå kajakk. Det er ein unik måte å oppleve fjorden på frå eit anna perspektiv! Du kan velge om du vil utforske fjorden på eiga hand eller med guide.

eMobility

Opplev Geiranger i små, rare elbilar, miljøvennlege Renault Twizy-bilar! Med GPS-basert lydguide. Du kan velje mellom mange opplevingsrike turar – du finn garantert ein som passar for deg!
Dei snakkande elbilane guidar deg rundt på dei spennande turane gjennom GPS-systemet i bilen.

Guida topptur

Kva med å oppleve verdsarvnaturen frå ein av fjelltoppane? Geiranger har mange toppturar å by på, og alle med spektakulær utsikt over bygda og fjorden! Vi samarbeidar med Uteguiden om å tilby guida toppturar, både sommar og vinter.

Norsk Fjordsenter

Norsk Fjordsenter er eit levande besøks- og formidlingssenter for verdsarven Vestnorsk fjordlandskap – det einaste området i landet som står på den prestisjetunge verdsarvlista til UNESCO på grunn av naturverdiane. 

Geiranger Sjokolade

Visste du at Geiranger har sin eigen sjokoladefabrikk? Eit av dei gamle nausta i sentrum er omgjort til sjokolade fabrikk. Her produserast det handlaga sjokolade med spennande smakar som har vunne fleire internasjonale prisar. 

Utforsk Geiranger med el-sykkel

Vår samarbeidspartnar Geiranger Fjordservice tilbyr utleige av el-sykler. Sykle i ditt eget tempo med god hjelp frå sykkelen i motbakkane. Du kan velge om du vil utforske bygda på eigahand eller vere med på ein av dei guida turane som dei tilbyr. Dei har også turar som kombinerar sykkel med ein gåtur.